Parahau Whaiaro Whakamanatanga
Parahau Whaiaro Whakamanatanga (PWW) he aroā akoranga whaiaro parahau ka mutu he ārai riri anō hoki mō te hunga e pākia ana e te riri ā-ira - mātua ake ko ngā wāhine me ētahi atu ira e tāmia ana.
Nō te huhua o ngā taunakitanga, e whakaakohia ana e PWW ngā pūkenga mō te puta, mō te āhukahuka, mō te kokoti, mō te ātetetanga me te whakamāhu i ngā tāmitanga nō te riri whaiaro.
E mātua mōhio ana a PWW ki ngā pēhitanga o ngā kore oritetanga me ngā pēhitanga manatika. E whakaakohia ana ngā akomanga i runga i te wairua tāmikore e āhei ai te aro ki ngā taero o te taiao o ngā ihomatua me te hinengaro i uaua ai tā tātau tū mō tō tātau ora.
Ko te nuinga atu o ngā whakaekenga wāhine me ngā tamariki i kōkiritia e tētahi kaitiaki e mōhio ana rātau (ko te whakainenga kei te takiwā o te 80-90 ōrau). Ko ngā rautaki me ngā ngā pūkenga e whakaakohia ana e PWW i hangaia mai ki te turaki i ēnei wheako rite tonu te kitea hei āpitinga atu ki ngā tūkinotanga i kōkiritia ai e tētahi uakōau.
I auahatia mai ngā akomanga ki te whakamana me te whakapūpuke whakapono. He nui ō rātau huarahi ki te whakakake i te haumarutanga ā-takitahi ā-takitini anō hoki i roto i ngā āhuatanga huhua. Ko ngā rautaki ōkiko e tuarihia ana he ngāwari engari he hāngai ki te kaipatu kaitā ki te kaipatu kaha kē atu hoki. Ko ngā tikanga āhua ā-mahi e āhei ka whakahāngai ki te āheitanga, ki te pakeketanga me te pakaritanga o te katoa.
Hei tā ngā akomanga o PWW nō ngā kaipatu anō te hē o ā rātau mahi. Ahakoa te mahi a te tangata - ahakoa rānei tāna kore i aha - ehara i te mea me patu rawa rātau. Katoa ngā tūāhuatanga he rerekē ka mutu ko te whakataunga whakamutunga he aha te whakautu kei te tangata kei te pae o te riri. Ahakoa tō tātau raukaha ki te parahau i a tātau anō ehara i te mea nō tātau te haepapa ki te aukati i te taikaha tūkino.
Hei āpiti ake ki ngā rautaki ōkiko, he wāhanga tō ngā akomanga e aro ana ki ngā akoranga e hāngai ana ki te pakeketanga me te ora o te piringa, ā, ko ngā tohu o te ririwarea, me ngā pūkenga tuku whakarite. He rite tonu tā PWW kōrero whāia tō puku, mōhio ki te tika me te whakamahi i tō reo. Ko ngā rautaki o te whakamahi i tō reo ko te tapatahi ngawī kore o te reo me te whakatū tūwatawata - ko te whakaū pūkenga ki te aukati i te tūkino i mua i te putanga ōkiko. Ka tiritiria anō hoki ngā pūkenga me ngā rauemi ki te rapu haumarutanga me te taunakitanga mōu ki te tūkinotia koe me te tautoko i ētahi kē atu.
Ako atu anō mō PWW i te ao: